Аймақтар • 20 Мамыр, 2022

«Ақ қауырсын» әдеби сыйлығының иегерлері анықталды

96 рет көрсетілді

Алматы облысы әкімінің «Ақ қауырсын» жүлдесі биыл бесінші рет өтті. Дәстүрлі әдеби байқау Жазушылар одағы Алматы облыстық филиалымен, «Janr» Жетісу әдеби клубымен және Халықаралық «Қазақ тілі қоғамы» қоғамдық бірлестігі облыстық филиалымен бірлесе ұйымдастырылды. 

Байқау осы жолы Ұлт ұстазы Ахмет Байтұрсынұлының 150 жылдық мерейтойы және Алматы облысының 90 жылдығына орай жарияланып отыр. Байқаудың мақсаты ұлт ұстазы Ахмет Байтұрсынұлының еңбектері мен шығармашылығын, Алматы облысының 90 жылдығын кеңінен насихаттау, ұлттық құндылықтарды дәріптейтін қазіргі  әдебиетті дамыту және оған қолдау көрсету болды. Байқаудың поэзия бәйгесіне Ахмет Байтұрсынұлының 150 жылдық мерейтойына орай «Ел бүгіншіл, менікі ертең үшін» тақырыбына өлең арнау ұсынылса, проза бәйгесі Алматы облысының 90 жылдығына арналды. Бәйгеге 18-35 жас аралығындағы қаламгерлер, ақындар, журналистер аудандық, қалалық іріктеу кезеңінен өткен байқаудың жеңімпаздары өз шығармаларын жолдады.

«Байқау биыл  бесінші мәрте қалам ұстаған жастардың шабытын ашып, ары қарай шығармашылығын шыңдауына оң серпін беріп отыр. Алматы облысында  ақын-жазушыларға, жас қаламгерлерге деген қамқорлық ерекше. Соның бірі осы - «Ақ қауырсын» әдеби сыйлығы. Бұл байқау Жетісу өлкесіндегі әдебиетшіл қауымның асыға күтетін мерейлі салтанатына, рухани-әдеби танымдық шаралардың біріне айналып отыр», дейді облыстық Тілдерді дамыту басқармасының басшысы Рахмет Есдәулетов.

Р

Қазылар алқасының шешімі бойынша поэзия жанры бойынша I орын Алматы облысы «Жетісу» радиосының редакторы Аршын Айдынбекұлы иеленді. II орын Алматы облыстық «Жетісу» газетінің тілшісі Мәулен Әнербайға бұйырды. Сарқандық Самал Шенгельбаева III орынның тұғырынан көрінді. Сондай-ақ Алакөл ауданының Қоңыр орта мектептің қазақ тілі мен әдебиет пәнінің мұғалімі Мақсат Деңгелбай мен  І. Жансүгіров атындағы Жетісу университетінің 2 курс білімгері Әділ Құттыбаев поэзия жанры бойынша ынталандыру сыйлығына ие болды.

Ал проза жанры бойынша I орынды Гүлден Жылкелдиева қанжығалады. Және байқаудың II орын жүлдесін  Айгерім Иебекова еншілесе, III орын Олжас Наурызбаевқа бұйырды. Бұл байқаудың І орын иегерлеріне «Ақ қауырсын» атты Алматы облысы әкімінің арнайы жүлдесі табысталды.

Сондай-ақ салтанатты шарада ұлттық құндылық,  салт-дәстүрімізді дәріптеу мақсатында әлеуметтік желіде өткен шығармашылық «Наурыз шашу» байқауының жеңімпаздары марапатталды.

Соңғы жаңалықтар

Уақытпен бірге түлеген

Әдебиет • Бүгін, 08:33

Баладан қашқан безбүйрек

Қоғам • Бүгін, 08:31

Студенттер ара бағып жүр

Білім • Бүгін, 08:28

Маса мазаны ала бастады

Аймақтар • Бүгін, 08:27

Қалыпты ұйқы – қуат көзі

Қоғам • Бүгін, 08:26

Берешек – 24,3 млрд теңге

Экономика • Бүгін, 08:24

Үздіктер анықталды

Қоғам • Бүгін, 08:21

Жұртшылыққа қарай жаңа қадам

Аймақтар • Бүгін, 08:19

Алға ұмтылған Ақмола

Аймақтар • Бүгін, 08:17

Ашық қоғамның айқын көрінісі

Қазақстан • Бүгін, 08:15

Семей қаласының гербі бекітілді

Аймақтар • Бүгін, 07:47

Бас жүлде бұйырмады

Спорт • Бүгін, 07:42

Жоспарын жария етті

Спорт • Бүгін, 07:40

Ұқсас жаңалықтар