«Қайрат» өз алаңында «Шахтерді» қабылдады. Осының алдындағы алты ойында жеңіске жете алмай, өткен турда «Астанадан» ойсырай ұтылған алматылықтар осы жолы «Шахтерді» 2:0 есебімен жеңді. «Атырау» мен «Астана» матчын да жанкүйерлер қызыға тамашалады. Өте тартысты өткен кездесу 1:1 есебімен тең аяқталды.
«Ордабасы» мен «Ақсу» арасындағы матчтың 8-минутында Кәрім Сұлтанов алаң иелерін алға шығарған еді. Алайда қатты соққан желден Шымкенттегі стадионның шатыры құлап, бәсеке тоқтатылды. Сондай-ақ «Тұран» мен «Ақтөбе» кездесуі де кейінге шегерілді.
