Спорт • 24 Мамыр, 2022

«Каспий» көш бастады

141 рет
көрсетілді
1 мин
оқу үшін

Жексенбіде футболдан Қазақстан чемпионатының 12 туры аясында өткен тағы үш кездесуді тамашаладық. Бұл бәсекелердің барлығы да алаң иелерінің пайдасына шешілді.

«Каспий» көш бастады

Бұл кезеңде көпшіліктің назары Ақтаудағы матчқа ауды. Себебі «Каспий» мен «Тараз» ара­сындағы ойында қай команда жеңіске жетсе, сол жарыс кестесінде көш бастайды. Бұл бәсекеде алаң иелерінің асығы алшысынан түсті – 2:1. Бір айта кетерлігі, бірінші тайм бел ортадан ауған тұста «Тараздың» екі бірдей ойыншысы алаңнан қуылды. Нұр-Сұл­танда Петро­павлдың «Қызылжары» Оралдың «Ақ­жайы­ғын» қабылдады. Бәсеке басталған бетте Дарко Зорич есеп ашса, 79-минутта Жиан Мартинс екінші голды соқты – 2:0. «Тобыл» өз алаңында «Мақ­тааралды» қабылдады. Алғаш­қы таймда есеп ашылған жоқ. Есесіне үзілістен кейін ойын мүлде басқа сипатта өрбіді. Айналдырған 45 минут ара­лығында доп алты мәрте қақпа торынан табылды. Қостанайлықтар қатарынан Игорь Сергеев дубльдің авторы атанса, Рубен Брид­жидо мен Сергей Малый бір-бір реттен нысананы дәл көздеді. Қонақтар Руслан Юденков пен Рамазан Кәрімовтің голдарымен жауап қайтарды – 4:2.

Осы жеңісінен кейін 22 ұпай жинаған «Кас­пий» жарыс кестесінде көш бастады. Екінші және үшінші орынды иеленіп отырған «Ас­тана» мен «Тараздың» ақтаулықтардан бір ұпайлары кем.

Соңғы жаңалықтар

Су үнемдейтін қондырғы

Технология • Кеше