Жарысты басынан аяғына дейін бір деммен өткізген Trek-Segafredo клубы сапындағы италиялық велошабандоз мәреге 4 сағат 37 минут 41 секундта жетті. Екінші және үшінші орындарда – колумбиялық Сантьяго Буитраго (Bahrain-Victorious) мен испаниялық Антонио Педреро (Movistar). «Астаналық» Фабио Феллине 11-орынға табан тіреді.
Жалпы есепте эквадорлық Ричард Карапас (INEOS Grenadiers) алда келеді. Оның көрсеткіші – 63 сағат 06 минут 57 секунд. Көш басындағы саңлақтан аустралиялық Джей Хиндли (BORA-hansgrohe) мен португалиялық Жоау Алмейда (UAE Team Emirates) сәл ғана қалыс тұр. Қазақстандық команданың ең үздік велошабандозы Винченцо Нибали сегізінші сатыға нық орнықты.
