Қазақстан • 24 Мамыр, 2022

Қызылорда облысында күріш алқабы қысқарды

38 рет көрсетілді

Экология, геология және табиғи ресурстар министрі Серікқали Брекешев су үнемдеу шараларының аясында биыл Қызылорда облысында 5 мың гектар күріш алқабы қысқарғанын хабарлады, деп жазады Egemen.kz.

«Алматы облысында су ресурстарының тапшылығын қысқарту мақсатында облыс әкімдігі ылғал сыйымды дақылдардың, оның ішінде Балқаш ауданында күріштің егістігін 1 мың гектарға азайтты. Облыстың барлық су қоймалары вегетациялық кезеңге бекітілген кестеге сәйкес жұмыс істейді. Жамбыл облысында да, бұрын айтылғандай, мемлекетаралық пайдалану объектілеріне су беру кестелері бекітілді. Сондай-ақ қазіргі уақытта облыс аумағында суару желілерін реконструкциялау бағытында ауқымды жұмыстар жүргізіліп жатқанын атап өту қажет. Суармалы су беру айналма каналдар арқылы жүзеге асырылуда», деді министр.

Оның айтуынша, Түркістан облысында биыл күріш алқабы 600 гектарға дейін қысқартылған.

«Қызылорда облысында күріш алқабы 78,3 мың гектарға дейін төмендеді. Бұл өткен жылмен салыстырғанда, 5 мың гектарға аз. Сондай-ақ Үкімет резервінен ұңғымаларды жөндеу мен бұрғылауға, сорғы қондырғыларын сатып алуға 3,6 млрд теңге сомасында қаражат бөлінді», деді Серікқали Брекешев.

Соңғы жаңалықтар

Алматы маңында жер сілкінді

Аймақтар • Бүгін, 16:42

Алматыда үшінші вокзал салынады

Аймақтар • Бүгін, 14:59

Доллар арзандады

Экономика • Бүгін, 14:08

Ұқсас жаңалықтар