Бұл мәселе облыс әкімі Нұрлыбек Нәлібаевтың тұрғындарды қабылдауында айтылды.
«Қызылорда тазалығы» кәсіпорнында 18 жылдан бері еңбек етіп жүрген Гүлайым Қарғабаева қабылдау кезінде қоғамдық көлікпен жиі қатынайтынын, ол қалтаға едәуір салмақ салатынын айтып көмек сұрады.
Облыс әкімі «Қызылорда тазалығы» мекемесінің жұмысшыларының еңбегі аса жауапты әрі қиын екенін айтып, бұл жөнінде қала әкімі Асылбек Шәменовке тапсырма берді.
Тазалық мекемесінің жұмысшылары енді 1 маусымнан бастап қоғамдық көлікте тегін жүру билетіне ие болмақ.
