Қоғам • 26 Мамыр, 2022

Жеңілдетілген несиеге – жаңа көлік

1642 рет
көрсетілді
1 мин
оқу үшін

Атырауда алғашқылардың қатарында Асхат Ищанов жеңіл­детілген автонесиемен жаңа көліктің иесі атанды. Ол Аты­рау­дағы банк филиалында менеджер болып жұмыс істейді. Бағ­дарлама іске қосылған күні Еуразиялық банкке өтініш берген.

Жеңілдетілген несиеге – жаңа көлік

– Маған автосалон менеджері сату-сатып алу келісімшартына қол қою қажеттігі туралы қуа­ныш­ты хабар жеткізді. Жаңа кө­лікті жеңілдетілген несиемен сатып алғаныма қуаныштымын. Өйткені 16 мамырда басталған жеңілдетілген автонесие бағдар­ламасымен 4 пайыздық несие алуға болады. Жеті жылға 10 млн теңгеден аспайтын несие беріледі екен. Ал сатып алатын көліктің бағасы 15 млн теңгеден аспауы керек. Осындай себеппен, Сhevrolet Cobalt көлігін таңдадым. Көлік құны – 6 млн 490 мың теңге. Ай сайын 101 мың теңге төлейтінім көрсетілген же­ңілдетілген автонесиені 6 жыл­ға рәсімдедім, – дейді Асхат Ищанов. 

«Вираж» компаниялар то­бының директоры Ерасыл Шәрі­повтың мәліметінше, Сhevrolet көлігін сататын авто­салонға 400 атыраулықтан өті­ніш түскен. Оның ішінде 120 адам VIN-код алған. Ал өзгелері резерв­тік тізімге енгізіліп отыр. Өйт­кені бәріне жаңа көлік жет­пейді. Қазір ком­па­нияның қой­масында осындай 120 көлік қалған.

– Біз жаңа көліктерге алдын ала өтінім беріп қойдық. Жа­ңа көліктер үш айдың ішінде ке­леді. Біздің клиенттерден Chev­rolet Cobalt пен Chevrolet Nexia маркалы көлікке сұраныс артып тұр. Былтыр елімізде осындай маркалы 25 мыңнан астам көлік сатылды, – дейді Ерасыл Шәріпов.

 

Атырау облысы