Сенат депутаты Конституцияға енгізілетін және қазір еліміз халқының кеңінен талқылап жатқан негізгі өзгерістер туралы айтты.
«Бұл реформалар Президент Қасым-Жомарт Тоқаевтың саяси бастамаларының жалғасы, ел дамуы үшін маңызды қадам болып табылады. Егер референдумда сайлаушылар осы өзгерістерді қолдаса, онда бізде Президент айтып отырған әділетті Қазақстанды құруға мүмкіндік пайда болады», деді сенатор.
Кездесуде сондай-ақ Сенатта өткен жастар саясаты жөніндегі парламенттік тыңдауда көтерілген негізгі мәселелер талқыланды. Кездесуге қатысушылар орта-арнайы білім беру объектілерінің материалдық-техникалық базасын нығайту, колледж түлектерін жұмысқа орналастыру және біліктілігін арттыру мәселелері бойынша пікір алмасты.
