Билли Джин Кинг кубогының жаңартылған рейтингіне сай, ел құрамасы 16-орыннан бірден жеті саты жоғарылап, 9-орынға көтерілді. Қазақстан ұлттық құрамасы Ресей, Германия, Италия, Румыния, Бельгия, Польша секілді алпауыт командаларды артқа қалдырып, ТОП-10 құраманың қатарынан табылды. Қазақстандық қыздар биылғы сәуірде елордада Германия теннисшілерін 3:1 есебімен тізе бүктіріп, командалық әлем чемпионатының финалдық кезеңіне жолдама алған болатын.
Әлемдік рейтингте алғашқы 10 команда былайша орналасты: 1. Аустралия – 1002,71 ұпай 2. Франция – 885,6 3. Испания – 884,62 4. Чехия – 842,92 5. Швейцария – 881,81 6. Канада – 780,09 7. АҚШ – 758,09 8. Словакия – 744,23 9. Қазақстан – 704,75 10. Германия – 702,52.
Айта кетейік, биылғы Билли Джин Кинг кубогының финалдық кезеңі 8-13 қараша аралығында өтеді. Әзірше қай елде ұйымдастырылатыны белгісіз.
