Алғашқылардың бірі болып өз таңдауын жасағандардың қатарында Жаркент қаласының 100 жасаған тұрғыны Зейнелхан Оспанова да бар. Асыл әже ертемен референдум учаскесіне келіп, дауыс берді.
12 құрсақ көтерген алтын алқа иегері саналы ғұмырындағы барлық саяси науқандарға белсенді қатысып келеді. Әсіресе соңғы 30 жылдағы барлық сайлау мен референдум есінде қалғанын айтады. Референдум учаскесінің мүшелері ғасыр жасаған әже әркез жастарға үлгі болып, мемлекеттің іргесін нығайту бағытындағы өзгерістерге қатысуға тырысатынын айтып отыр. Дәстүр бойынша алғашқы дауыс берген адамға естелік сыйлық табысталды.
