Пойыз бағыттарындағы өзгерістер

Жолаушылардың сұра­ныс­­­тарын қамтамасыз ету мақ­са­тында «Жолаушылар тасымалы» АҚ үстіміздегі жылдың 1 маусымынан бастап өз кү­шіне енетін по­й­ыздардың жаңа кестесіне өзгеріс ен­гі­зіп, «Астана-Ле­ниногор» бағы­тындағы №375/376 жолаушылар пойызы күнарадан күнделікті қатынасқа ауысатыны жайлы хабарлайды. Сондай-ақ, «Қарағанды-Мәскеу» бағытындағы №83/84 жүр­дек халық­аралық пойызы жыл бойына күн сайын жүретін болады. Айта кетер тағы бір жайт, «Ре­сей темір жолдары» ААҚ тиесілі №391/392 «Барнаул-Ле­ниногор» пойызының маршрутына өзгеріс енгізіп, «Том-Лениногор» бағы­тында қатынай бастайды. Туындаған сұрақтар бойынша теміржол вокзалдарының анық­тамалықтарына немесе 105 бірегей анықтама қызметіне хабарласуға болады. «Егемен-ақпарат».