Жемқорлықпен күрес – жалпықоғамдық іс

Астанада Жемқорлыққа қарсы іс-әрекет жөніндегі аймақтық кеңестер басшыларының республикалық семинар-кеңесі өтті. Кеңес барысында «Нұр Отан» партиясы Доктринасының тұр­ғысында Қазақстанда жемқор­лыққа қарсы іс-әрекеттің, пар­тияның азаматтық қоғам институттарымен өзара іс-әрекетінің тиімділігін арттыру, ЖҚРҚК-нің басшылығымен және құқық қорғау органдары жанындағы Қоғамдық кеңестермен өзара іс-қимылда аймақтық қоғамдық кеңестердің жұмысын ұйым­дас­тыру және рөлін арттыру жөнін­дегі шаралар талқыланды. Кеңесте құттықтау сөзден кейін «Нұр Отан» партиясы Төра­­ға­сының бірінші орынбасары Бауыр­жан Байбек: «Жа­ңа кезең­дегі жемқорлыққа қар­сы жұмыс­тың негізгі мақсаты аза­маттардың санасында жем­қорлық көрініс­теріне қатысты «мүлдем төзбеу­шілікке» қол жеткізуді қамта­масыз ету болып табылады. Ел­басының тап­сырмасына сәйкес бұл жұ­мыс­ты жүйелі түрде, бү­кіл ел ау­қымында жүргізу қа­жет және «Нұр Отан» оның айна­ла­­сына барлық құрылымдық сая­­си күштер мен азаматтық қо­ғам инс­ти­туттарын біріктіріп, осы мә­се­­лені шешуде алдыңғы қа­тар­­да болуы тиіс», деп атап көр­сетті. «Нұр Отан» партиясының Док­тринасында атап көрсетілгендей, «Жемқорлықпен күрес бәріміздің және әрқайсымыздың міндетіміз болып табылады. Жемқорлық мемлекеттілік пен демократияның негізін әлсіретеді. Сондықтан партия жемқорлыққа қарсы іс-әрекет жасау үшін және қоғамда оның кез келген көрінісіне төзбеушілікті қалыптастыру үшін жүйелі жағдайлар жасайтын болады. Мемлекеттік басқару жүйесі қоғамдық бақылау үшін барынша айқын және қолжетімді болуы тиіс». Осы саладағы анағұрлым кең тараған қылмыстар лауазымды адамның пара алуы және қызмет бабын пайдаланып, өзіне сеніп тапсырылған бөтеннің мүлкін иемденуі немесе талан-таражға салуы, алаяқтық белгілері бойынша қылмыстар болып табылады. ЖҚРҚК-нің басты міндеті – жемқорлыққа, экономикалық қылмыстар мен құқық бұзу­шы­лық­тар жасауға жол беретін, жағ­дайлар жасайтын себептер­ді ай­қындау мақсатында мемле­кеттік органдардың қызметіне бақы­лауды жүзеге асыру, жемқорлыққа төзбеушілікке тәрбиелеу бойынша халық арасында алдын алу жұмысын жүргізу. Жемқорлықпен күрес партия мүшелерінің арасында да жүргізіледі. Соңғы жарты жылда партия мүшелерінің саны 25 мың адамға азайды. Бұл үдеріс партия құрамының сапасын түбі­рімен жақсартуға бағытталған партияның жүргізіп отырған саясатымен түсіндіріледі. Қабылданған шаралардың нәтижесінде партия тәртібінің, Жарғы талаптарының өрескел бұзылуына жол берген, мүшелік жарна төлеуден жалтарған, сондай-ақ, қандай да бір негізде партиямен байланысын үзген адамдар партия қатарынан шығарылды. Партия қатарынан шығарылғандардың ішінде жемқорлық бойынша құқық бұзушылықтар жасаған азаматтар да бар. Үстіміздегі жылы «Нұр Отан» жем­қорлыққа қарсы жаңа бағ­дар­лама әзірлеуде, онда жемқор­лыққа қарсы іс-әрекет бойынша жұмыстың бірқатар басты бағыттары айқындалатын болады. Басты мақсат партия меха­низмдері арқылы қоғамдық айыптауды қамтамасыз ету, халық арасында жемқорлықты құптамау болады. Осы жобаны даярлаған кезде халықаралық тәжірибе ескеріледі және азаматтық қоғам өкілдері бірлесіп жұмыс істеуге қатыстырылады. «Егемен-ақпарат».