Ведомствоның мәліметінше, отырыс хаттамалық тәртіпте өткен.
Кездесу барысында өңірлік қауіпсіздік мәселелері талқыланды. Оның ішінде Ауғанстандағы жағдай да бар.
Генерал Майкл Курилла АҚШ Орталық қолбасшылығының қолбасшысы. Бұған дейін Солтүстік Каролинадағы АҚШ армиясының XVIII әуе-десанттық корпусын басқарған.
Ол АҚШ-тың Ирактағы операцияларына қатысып, 2005 жылы Мосулда жараланған. Барак Обаманың президенттігі кезінде Курилла біраз уақыт Америка Құрама Штаттарының арнайы күштерін басқарып, Ирак пен Ауғанстанда лаңкестікке қарсы операцияларды ұйымдастырған.
