Қажеттілік

Мемлекеттік тілді білу – парыз, өзге тілдерді үйрену – уақыт талабы. Рас, бұрындары ауылдан қалаға келген қазақ балалары орысша білмегеніне налитын. Орысша үйренбесе, өзін аш қалатындай сезінетін. Қазір мүлдем өзгеше. Көпшілік ұл-қыздарының ағылшын тілін үйренуін қажет деп санайды. Себебі, жеті жұрттың тілін білуді әуелден мақсат еткендерге болашақтың есігі әрқашан ашық. Қазақстан үшін үш тұғырлы тіл – еліміздің бәсекеге қабі­леттілікке ұмтылуының алғашқы баспалдағы. Өйткені, бірнеше тілде еркін сөйлей де, жаза да білетін қазақстандықтар өз елінде де, шетелдерде де бәсе­ке­ге қабілетті жанға айналады. Атап айтарлығы, көпұлтты Қазақстанның жағдайында «Үш тұғырлы тіл» ұлттық жобасы қоғамдық келісімді нығайтудың негізгі факторы болып саналады. Бүгінгі таңда ағылшын тілін үйрену – ғаламдық ақпараттар мен инновациялардың ағынына ілесу деген сөз. Оған қоса, ағылшын тілін өте жақсы меңгерсең – әлем­­дегі ең үздік, ең беделді кез келген жоғары оқу орындарында білім алуға мүмкіндігің болады. Тіпті, оқуыңды бітірген соң, шетелде қалып, тәжірибе алсаң да тамаша мүмкіндік. Ең бастысы, ағылшын тілін білу – бұл іскерлік қарым-қатынас жасаудың және әлемнің кез келген елінде бизнеспен айналысудың құралы. Қазақ­стандағы үш тұғырлы тіл сая­саты – елімізді, оның әлеуетін одан әрі нығайтуға бағытталған тұтас тұжырымдама. Іс жүзінде тіл­дердің үш тұғырлы идеясы бәсекеге қабілетті еліміздің ұлттық идео­логиясының бір бөлігі болып та табылады. Жалпы, үш тұғырлы тiл сая­са­ты заман талап етіп отырған қа­жеттiлiк деп есептеп, оны игеруден шет қалмауымыз керек. Мектеп бағдарламасына ағылшын тiлiн енгiзу, әсiресе, iргелi ғылымға бас­тайтын пәндердi ағылшын тiлiнде оқыту ұлтты қандай бәсекеде болсын ұтысқа жетелейтiн ұтымды нұсқа деп ойлаймыз. Бiлiм мен ғылымның, экономиканың, биз­нестiң, саясаттың, жалпы бәсе­келестiктiң қарыштап дамып отырған бүгiнгiдей жаҺандану кезеңiнде Елбасы көрегендiк танытып, алдымызға үш тiлдi бiлу қажеттiгiн қойып отыр. Әсiресе, өскелең ұрпақ – жастар алдында бiрнеше тiл бiлу мiндетi тұр. Олай болса, ел азаматтарының парызы – ана тілін қадірлей отырып, өзге тілді білуге ұмтылу уақыт талабы деп бiлемiз. Еңлік ЖАКУЛИН, әл-Фараби атындағы ҚазҰУ журналистика факультетінің 2-курс студенті.