Әлемнің дамыған 30 елінің қатарына қосылудың бір парасы – ішкі тәртіп екендігі анық. Ал тәртіп болмай іс болмайтындығы атам заманнан белгілі. Ендеше, қазір елімізді ең мықты елдердің қатарына бастап келе жатқан елордамыздың еңселі іс-шаралары елдіктің ізгілікті бастауларын көрсетіп отыр десек, артық айтқандық емес. Өйткені, бұған дәлел көп. Ал барша қазақстандықтың және әлемнің назары әуелі елордаға тігілетін болғандықтан Астана қаласы ІІД жұмысына бақылау жасаушылар да көп екені сөзсіз. Бұған дәлел ретінде, елордалық полиция қызметіне бақылау жасайтын бір ғана осындағы қоғамдық кеңестің өзі полицияға үлкен жауапкершілік артатынын айтар едік. ІІД жанындағы қоғамдық кеңес мүшелері – Парламент Сенаты мен қалалық мәслихат депутаттары, қоғамдық ұйым өкілдері, ІІД бөлімшелерінің басшылары.
Жалпы, полиция қызметіне бақылау жасайтын қоғамдық кеңес қызметі жиі өткізіліп тұрады. Өйткені, Мемлекет басшысы халыққа Жолдауында: «погон таққан адамдарға үлкен міндет жүктелгендіктен олар мінсіз тәртібімен және өз ісінің жоғары кәсібилігімен ерекшеленіп тұруы керек», – деген еді. Міне, кеше өткен кеңесте Президенттің осы сөзін еске салған қоғамдық кеңес төрағасы, қалалық мәслихат депутаты А.Байгенжин кез келген полиция қызметкерінен азаматтар қорғаушысы мен көмекшісін көруі керек, деп атап айтты.
Кеңес жұмысы барысында Астана қаласы ІІД жеке құрам арасындағы тәртіп пен заңдылық жағдайы және жемқорлықтың жолын кесуде атқарылатын шаралар талқыланды. Қатысушылар алдында сөз сөйлеген Астана қаласы ІІД өзіндік қауіпсіздік басқармасының бастығы, полиция подполковнигі С.Досов Астана қаласы ІІД бөлімшелеріндегі жемқорлықтың жолын кесу, заңдылықтың бұзылуының алдын алуға бағытталған ұйымдастырушылық және тәжірибелік кешенін жүзеге асыру туралы баяндады. Сол сияқты ІІД Кадр жұмысы басқарма бастығы А.Харулин жемқорлыққа қарсы күресте атқарылып жатқан шаралар жайында баяндап, міндет полиция қатарын ішкі істер органдары қызметкерлерінің абыройына нұқсан келтіретін тұлғалардан тазарту екендігін баса көрсетті.
Елордалық полиция басшысы А.Әубәкіров ІІД қатарында күнделікті қызметте астаналықтардың қауіпсіздігін қамтамасыз етіп жүрген өз ісінің кәсіби шеберлері көптеп саналады. Олар аса қауіпті қылмыскерлерді ұстауда өз өмірін қауіпке тіге отырып, азаматтардың амандығын қалайтын және оттан да, судан да аман алып қала алатын нағыз қас батырлар, деді. Осы орайда жемқорлықты болдырмау мақсатында республикада ең алғашқылардың бірі болып ІІД қызметінің қатарына жаңадан қабылданған қызметкерлерді полиграфологиялық зеттеуден өткізуді Астана қаласы ІІД қолға алғанын атап өту қажет.
Александр ТАСБОЛАТОВ,
«Егемен Қазақстан».
Жалпы, полиция қызметіне бақылау жасайтын қоғамдық кеңес қызметі жиі өткізіліп тұрады. Өйткені, Мемлекет басшысы халыққа Жолдауында: «погон таққан адамдарға үлкен міндет жүктелгендіктен олар мінсіз тәртібімен және өз ісінің жоғары кәсібилігімен ерекшеленіп тұруы керек», – деген еді. Міне, кеше өткен кеңесте Президенттің осы сөзін еске салған қоғамдық кеңес төрағасы, қалалық мәслихат депутаты А.Байгенжин кез келген полиция қызметкерінен азаматтар қорғаушысы мен көмекшісін көруі керек, деп атап айтты.
Кеңес жұмысы барысында Астана қаласы ІІД жеке құрам арасындағы тәртіп пен заңдылық жағдайы және жемқорлықтың жолын кесуде атқарылатын шаралар талқыланды. Қатысушылар алдында сөз сөйлеген Астана қаласы ІІД өзіндік қауіпсіздік басқармасының бастығы, полиция подполковнигі С.Досов Астана қаласы ІІД бөлімшелеріндегі жемқорлықтың жолын кесу, заңдылықтың бұзылуының алдын алуға бағытталған ұйымдастырушылық және тәжірибелік кешенін жүзеге асыру туралы баяндады. Сол сияқты ІІД Кадр жұмысы басқарма бастығы А.Харулин жемқорлыққа қарсы күресте атқарылып жатқан шаралар жайында баяндап, міндет полиция қатарын ішкі істер органдары қызметкерлерінің абыройына нұқсан келтіретін тұлғалардан тазарту екендігін баса көрсетті.
Елордалық полиция басшысы А.Әубәкіров ІІД қатарында күнделікті қызметте астаналықтардың қауіпсіздігін қамтамасыз етіп жүрген өз ісінің кәсіби шеберлері көптеп саналады. Олар аса қауіпті қылмыскерлерді ұстауда өз өмірін қауіпке тіге отырып, азаматтардың амандығын қалайтын және оттан да, судан да аман алып қала алатын нағыз қас батырлар, деді. Осы орайда жемқорлықты болдырмау мақсатында республикада ең алғашқылардың бірі болып ІІД қызметінің қатарына жаңадан қабылданған қызметкерлерді полиграфологиялық зеттеуден өткізуді Астана қаласы ІІД қолға алғанын атап өту қажет.
Александр ТАСБОЛАТОВ,
«Егемен Қазақстан».
