Жарыстың бірінші ракеткалары болып тіркелген Анна Данилина мен Валерия Страхова финалда аргентиналық Мария Лурдес Карле және ресейлік Мария Тимофеевамен бас жүлдені сарапқа салды. Бірінші партияда аргентиналық-ресейлік жұп 6:2 есебімен басымдық танытса, екінші партияда Анна мен Валерия есе қайтарды – 6:3. Шешуші бәсекеде қазақстандық-украиналық теннисшілер супер тай-брейкте қарсыластарынан жеңісті жұлып алды – 14:12.
Осылайша, Анна Данилина жұптық сындағы өзінің 25-ші титулын жеңіп алса, Страховамен бірге қатарынан бесінші турнирде үздік шықты. Сондай-ақ бұл Анна Данилинаның ITF санатындағы 24-ші жеңісі. Данилина осы жылдың қаңтарында Сиднейде WTA 250 сериясы турнирінде бразилиялық Беатрис Хаддад Майямен бірге жеңіске жеткен болатын.
