Азия құрлығында өнер көрсететін Аустралия футболшылары құрлықаралық іріктеу ойынын Оңтүстік Америка өкілі Перумен өткізіп, матч соңындағы пенальти сериясында басым түсті. Сөйтіп, әлем чемпионатының 31-ші жолдамасына ие болды. Қатардың Аль-Райан қаласындағы «Ахмед бин Али» стадионында өткен кездесудің негізгі уақыты 0:0 есебімен тең аяқталып, ойын соңындағы 11 метрлік айып добын орындауда Аустралияның бағы жанды – 5:4.
Енді әлем чемпионатының соңғы жолдамасын тағы бір құрлықаралық іріктеу ойында Коста-Рика мен Жаңа Зеландия құрамалары сарапқа салады. Әлем чемпионаты 21 қараша мен 18 желтоқсан аралығында Қатарда өтеді.
