Татарстан басшысына – «Достық» ордені

Қазақстанның Ресейдегі елшісі Марат Тәжин Татарстан Респуб­ли­касында сапармен болды. Сапар аясында оның Татарстан Республи­касының Президенті Рустам Миннихановпен және Мемлекеттік Кеңес (Парламент) төрағасы Фарид Мухамедшинмен кездесулері өтті. Қазандық Кремльде өткен Татарстан Президентімен кездесу барысында екіжақты қарым-қатынастың өзекті мәселелері, Қазақстан мен Татарстан арасындағы өзара ықпалдастықты одан әрі дамыту болашағы талқыға салынды. Кездесу соңында қазақстандық дипломат Қазақстан Республикасының Президенті Нұрсұлтан Назарбаевтың атынан Қазақстан-Ресей қарым-қаты­настары аясында Қазақстан мен Татарстан халықтары арасын­дағы бейбітшілік, достық пен ынты­мақ­тастықты нығайтудағы зор еңбегі үшін ІІ дәрежелі «Достық» орденін табыс етті. Ф.Мухамедшинмен кездесуі барысында тараптар Қазақстан-Ресей парламентаралық үнқатысудың бола­шағы туралы, сонымен қатар, Қазақстан халқы Ассамблеясы мен Татарстан халқы Ассамблеясының өзара ықпалдасуы туралы пікір алмасты. Қазан федералдық университетінің тарихи залында қазақстандық дипломат университеттің студенттері мен профессорлық-оқытушылар құрамы алдында «ХХІ ғасырдың жаһандық сын-қатерлері аясындағы «Қазақстан-2050» Стратегиясы» тақырыбында лекция оқыды, деп хабарлады ҚР СІМ-інің бас­пасөз қызметі.