Кездесу жуырда ТДМ (Тұрақты даму мақсаттары) бойынша екінші өңірлік саммит басталған Алматыда өтті.
Қуантыров Қазақстанға әлемдегі ең ірі төлем жүйелерінің бірі саналатын оператормен ынтымақтастықты жолға қою өте маңызды екенін атап өтті. Бүгінгі таңда америкалық MasterCard корпорациясы Қазақстанда белсенді жұмыс істейді және өз жұмысын одан әрі кеңейтуді жоспарлап отыр.
Тараптар шағын және орта бизнесті дамыту мәселелерін талқылады. Атап айтқанда, Бедир ханым халықаралық компания бизнес субъектілері арасында серіктестік орнататын кобрендингтік бағдарламалар туралы айтып берді.
Сондай-ақ, Қазақстандағы төлемдерді цифрландыру туралы сөз қозғалды.
Қуантыров атап өткендей, MasterCard кеңінен қолданатын технологиялық шешімдер кәсіпкерлерге бизнес-процестерді жеделдетуге көмектеседі.
Кездесу қорытындысы бойынша тараптар ынтымақтастықты нығайтуға келісіп, өзара іс-қимылдың алдағы жоспарларын белгіледі.
