Аймақтар • 17 Маусым, 2022

Алматылық ҰОС ардагерлері енді тісін тегін емдетуіне болады

32 рет көрсетілді

Алматы әкімі Ерболат Досаев Ұлы Отан соғысының ардагерлері мен оларға теңестірілген тұлғаларға қаражат бөліп, стоматологиялық көмекті қолжетімді етуге уәде берді, деп хабарлайды Egemen.kz.

Бүгінде Ұлы Отан соғысының барлық ардагері ерекше бақылауда. Оларға дәрігер бекітілген, олар ай сайын үйлеріне келіп, тексеруден өтеді.

Дегенмен дәрігерлер мегаполистегі барлық зейнеткерді әзірше тексере алмайды. Өйткені көптеген мемлекеттік емханалар жүктемесі көп.

Медеу ауданының тұрғындарымен кездесуінде қала әкіміне тіс дәрігеріне қаралуды ең болмағанда Екінші дүниежүзілік соғыс ардагерлері мен оларға теңестірілген тұлғалар үшін қолжетімді ету туралы ұсыныс түсті.

«Әр емханада стоматологияны ұйымдастыру оңай емес. Біз кабинеттерді жабдықтау былай тұрсын, белгілі бір топтағы адамдарға тұрақты жұмысқа тіс дәрігерін жалдай алмаймыз. Әңгімелесуге тырысайық, бәлкім, біз барлық стоматологиялық институтқа Екінші дүниежүзілік соғыс ардагерлері мен оларға теңестірілген тұлғаларды қолдау үшін қосымша тапсырыс береміз. Меніңше, олардың жалақысын төлеуге мүмкіндігіміз бар, олар ардагерлерге белгілі күндер мен сағаттарда қызмет көрсетеді. Мен жеке нұсқау беремін, оны бір айда анықтап, схемасын бере аламыз деп ойлаймын», деді қала басшысы.

Қазір міндетті әлеуметтік медициналық сақтандыру аясында Екінші дүниежүзілік соғысқа қатысушылар мен оларға теңестірілген тұлғалар, I, II, III топтағы мүгедектігі барлар, зейнеткерлер тек төтенше жағдайларда ғана тегін стоматологиялық көмек ала алады.

Соңғы жаңалықтар

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар