Қазақстан • 23 Маусым, 2022

Батыр жерінде өткен салтанатты жиын

28 рет көрсетілді

Қазақстан полициясының құрылғанына 30 жыл толуына орай жамбылдық 30 жас қызметкер салтанатты түрде ант қабылдап, қатарға қосылды.

Салтанатты іс-шара даңқты қолбасшы Бауыржан Момышұлының туған жері – Жуалы ауданындағы батырдың музейінде өтті. Жиынға жеке құрам қызмет­керлері мен жас сарбаздардың ата-аналары қатысты.

Алдымен ҚАЖ департаментінің жеке құрамы мен жас сарбаздары сапқа тұрды. Ант қабылдау іс-шарасының ашылу салтанаты батырды еске алу үшін бір минут үнсіздік жариялаумен басталды. Мұнан соң Жамбыл облысы бойын­­­ша Қылмыстық-атқару жүйесі департаментінің басшысы Нияз Рыспаев жиналғандарды Қазақстан Республикасы полициясының
30 жылдығымен құттықтады.

– Қай кезеңде де құқық қорғау қызметкер­лері – еліміздің қауіпсіз­дігінің тірегі, тыныш­тығымыздың сенімді кепілі және мемлекеттік беделдің өлшемі. Тәуелсіздік жылдарында елімізде кәсіби полиция қызметкерлерін қалыптастыру мақса­тында түрлі реформалар ұйым­дас­тырылды. Еліміздің тыныш­тығына толықтай жауап беретін бағдар­ламалар қабыл­данды. Бүгінде біздің елдің тәртіп сақ­шылары – барлық қазақстандықтың қор­ғаны. Қарулы Күштер қатарындағы қыз­мет әрбір азамат үшін зор мақтаныш, – деді ол.

Іс-шара барысында департамент басшысы Б.Момышұлының не­мере інісі Бекет Момынқұлға ша­пан жауып, құрмет көрсетті. Өз кезе­гін­де батырдың туысы депар­тамент басшылығына алғысын білді­ріп, батырдың өнегелі өміріне қызы­ғушылық танытқан ҚАЖ қызмет­керлерімен жиі кездесуге дайын екенін жеткізді. Бұдан кейін жас сарбаздар кезекпен саптан шығып, Отан алдында адал қызмет етуге салтанатты түрде ант етті.

Бұл күні 30 жас қызметкер ант қабылдап, Мемлекеттік Әнұран орындалды. Жиын соңында қатарға жаңа қосылған жас сақшылар Бауыржан Момышұлының ескерткішіне гүл шоқтарын қойды.

Соңғы жаңалықтар

Алдағы күндері күн суытады

Ауа райы • Бүгін, 11:55

Уақытпен бірге түлеген

Әдебиет • Бүгін, 08:33

Баладан қашқан безбүйрек

Қоғам • Бүгін, 08:31

Студенттер ара бағып жүр

Білім • Бүгін, 08:28

Маса мазаны ала бастады

Аймақтар • Бүгін, 08:27

Қалыпты ұйқы – қуат көзі

Қоғам • Бүгін, 08:26

Берешек – 24,3 млрд теңге

Экономика • Бүгін, 08:24

Ұқсас жаңалықтар