Мәселен, бірнеше халықаралық турнирде топ жарып жүрген Аружан Сағындықова әлемдегі үздік 70 жас теннисшінің қатарына кірді. 18 жасқа дейінгі теннисшілер арасындағы әлемдік рейтингте отандасымыз бірден 12 саты жоғарылап, 70-орынға жайғасты. Ал ерлер арасындағы ITF рейтингінде Максим Батютенко 81-ден 78-орынға көтерілді. Ислам Орынбасар – 199 (-1), Даниил Фелькер – 236 (-4), Даниал Рахматуллаев 239-сатыда (-5) тұрса, Әмір Омарханов 424-тен 418-ге жоғарылады.
Сондай-ақ 14 жасқа дейінгілер арасында Tennis Europe қауымдастығының рейтингінде Заңғар Нұрланұлы төртінші, чемпиондық кестеде бесінші орында келеді. Дамир Жалғасбай – 44 (-1), Даниэль Тазабеков – 59 (-4), Родион Лукашов – 191 (+17), Михаил Мищенко – 234 (+14), Дамир Дүйсенғазин – 257-сатыда тұр (-9). Қыздар арасында Софья Исакова 108-орынға жайғасса, ақтөбелік Ева Корышева бірден 151-орынға (+72) көтерілді. 16 жасқа дейінгілер арасында Шәкен Мансұр – 118 (+12), Демид Горбачев – 152 (+23), Артем Сидоров 189-сатыға (+2) орналасты.
