Спорт • 28 Маусым, 2022

Сурдлимпиада: Жеңімпаздар мен жүлдегерлерді марапаттады

16 рет көрсетілді

Мәдениет және спорт министрі Дәурен Абаев елордадағы Ұлттық музейде Бразилияның Кашиас-ду-Сул қаласында ұйымдастырылған XXIV жазғы Сурдлимпия ойындарының жеңімпаздары мен жүлдегерлерін марапаттады.

«Төртжылдықтың басты бәсекесінде отандастарымыз әлемнің ең мықты спортшыларымен күш сынасып, елге абыроймен оралды. Тарихи жеңіске толы Сурдлимпиадада қазақстандық атлеттер ерекше белсенділік танытып, жоғары жетістіктер­ге қол жеткізді. Атап айтқанда, Шонку Хайратхаан екі алтын медаль иеленіп, сенсация жасағанымен ерекше құттықтаймын. Бұл нәтиже елдегі Сурдлимпиада спортының дамуына керемет серпін береді деген үміттемін», деді Мәдениет және спорт министрі Д.Абаев жиынның ашылу рәсімінде.

Салтанатты іс-шара барысында Мәдениет және спорт министрлігінің атынан Сур­д­лимпиада ойындарының жеңім­паздары, жүлдегерлері және олар­дың жаттықтырушы­лары алғыс хатпен марапатталды. Сондай-ақ сурд­лим­­пиа­далық спорт түрлерін қолдау мақ­­сатында мемлекет тарапынан беріле­тін қаржылай сыйақы мөл­шері Олимпиада және Пара­лим­пиадамен теңестірілген. Яғни атал­ған жарыста бірінші орын ал­ған спортшыға – 250 000, екін­ші орын­­ға – 150 000, үшінші орын­ға – 75 000, төртінші орынға – 30 000, бесінші орынға – 10 000 және ал­тын­шы орынға 5 000 АҚШ дол­лары берілді.

«Бүгін елорда төрінде Сурд­лимпиада жеңімпаздарына көңіл бөліп, құр­мет көрсеткені­не алғысымыз шексіз. Жеңіс­ке жетуіме қолдау көрсеткен Мәдениет және спорт министрлігіне, Қазақстан Респуб­ликасының Үкіметіне алғыс айтамын. Барлық жеңімпаз­ды жетіс­тігімен құттықтаймын», деді XXIV жазғы Сурдлимпиада ойын­дарының екі дүркін жеңім­пазы Шонку Хайратхаан.

Айта кетейік, биылғы Сурд­­лим­пия ойындары ма­мыр­дың 1-15 аралығында Бразилия­дағы Кашиас-ду-Сул қаласында ұйымдастырылды. Әлемнің 100 елінен 4 000-нан астам спортшы қатысқан жарыста жерлестеріміз жалпы саны 28 жүлде (3 алтын, 7 күміс, 18 қола) еншілеп, жал­пыкомандалық есепте 13-орынға табан тіреді.

Медаль көрсеткіші бойынша Украина спортшыларына тең келер қарсылас табылмады. Олар 138 (62 алтын, 38 күміс, 38 қола) медаль жиынтығын олжалап, турнир кестесінде топ жарды. Екінші орын алған АҚШ құра­масының қоржынында 55 (20, 11, 14) медаль бар болса, үшінші орындағы Иран спортшылары 40 (14, 12, 14) жүлде жеңіп алды.

Соңғы жаңалықтар

Әуезов және түркі әлемі

Руханият • Кеше

Идеология

Руханият • Кеше

Мейірім мен қатыгездік

Руханият • Кеше

Ескі мен жаңа арасы

Руханият • Кеше

Би падишасы

Руханият • Кеше

Сапа қайтсе жақсарады?

Қазақстан • Кеше

Қайырымдылықтың үлгісі

Қазақстан • Кеше

Сақ дәуірінің тасы

Таным • Кеше

Ұқсас жаңалықтар