Театр • 28 Маусым, 2022

Елорда күніне тарту

36 рет көрсетілді

«Астана Балет» театры елорда кү­ніне арнап қала тұрғындары мен қо­нақтарына музыкалық тамаша тар­ту жасамақ. Дәлірек айтқанда, 2 шілдеде Қазақстанның еңбек сіңірген қайраткерлері Айгүл Тәти мен Мукарам Авахри қойған «Ұлы дала мұрасы» атты концерттік бағдар­ламасын ұсынады. Бұл бағдар­лама Еуропа мен Американың ірі қала­ларында көрсетіліп, көрермендердің ықыласына бөленген.

Ұлттық бірегейлікті өзіндік би тілімен жеткізетін этнографиялық сипаттағы бағ­дарлама – театрдың айшықты дүниесіне айналған. Онда қазақ хореографиясының соңғы жетістіктерін тамашалап, дәстүрлі би мен заманауи балетмейстерлік шешімдердің үйлесіміне куә бола аласыз.

Қоюшы-балетмейстер Айгүл Тәтидің айтуынша, «Ұлы дала мұрасы» би сюита­ларының жинағы мәдениетіміздің құнды дүниелерін бойына сіңірген. Би, пластика тілі арқылы халқымыздың жан дүниесін ашуға тырысқан. Сонымен қатар отандық балетмейстерлердің хореографиялық миниатюралары кең-байтақ даламыздың көркем табиғатын ғана емес, халқымыздың дәстүрі мен тарихын би тілімен әсем жеткізеді. Театр әртістерінің орындауындағы ұлттық билеріміз халқымыздың ұлылығы мен парасатын, ашық-жарқын болмысын шебер бейнелейді.

Сондай-ақ 5-6 және 8-9 шілдеде атал­ған өнер ордасының сахнасында симфо­ниялық оркестрдің сүйемелдеуімен Еуро­па хореографиясының кеші өтеді. Маз­­мұнды кештің бірінші бөлімінде көрер­мендер «Орфей мен Эвридика» бір актілі балетінің премьерасын тамашаласа, екін­ші бөлімде Стивен Райхтың дауылпаз ыр­ғағындағы әуеніне заманауи би алыбы Иржи Килиан қойған «Жолдан тайғандар» хо­реографиялық миниатюрасын көрсетеді.

Айта кетейік, мазмұнды іс-шара Мәде­ниет және спорт министрлігінің қолдауымен өтеді.

Соңғы жаңалықтар

Плей-оффтан тыс қалды

Футбол • Бүгін, 08:43

Үшінші орынға көтерілді

Спорт • Бүгін, 08:40

Үздік төрттіктің қатарында

Теннис • Бүгін, 08:39

Мыңға жуық баланы кене шақты

Аймақтар • Бүгін, 08:34

Цифрландыру жұмысымен танысты

Аймақтар • Бүгін, 08:15

Ұлылар үндестігі

Қазақстан • Кеше

Баға бақыланады

Қаржы • Кеше

Мейірім шұғыласы

Руханият • Кеше

Цифрлы даму: Жаңа бетбұрыс

Технология • Кеше

Махаббат әуені

Өнер • Кеше

Ұқсас жаңалықтар