Спорт • 01 Шілде, 2022

Бублик – үшінші кезеңде

219 рет
көрсетілді
1 мин
оқу үшін

Теннистен Қазақстанның бірінші ракеткасы Александр Бублик Ұлыбританияның астанасы – Лондонда өтіп жатқан «Уимблдон» турнирінде сәтті өнер көрсетуде.

Бублик – үшінші кезеңде

Алғашқы айналымда мажарстандық Мартон Фу­чо­вичтің тас-тал­қа­нын шығарған жер­лесіміз екінші кезеңде Ду­шан Лайовичпен күш сынасты. 31 жас­тағы Сербияның саңлағы бұл күн­дері АТР рейтин­гінде 64-орында тұр. Былтыр ол Аустралияның ашық бірін­шілігінің төртінші кезеңіне дейін жеткен. Негізі Лайович «Уимблдонда» топ жаруды көптен бері арман­­дап жүрген еді. Бұған дейін де сол мақсатына қол жеткізу үшін бірнеше мәрте әрекет жасап көрді. Бір­­ақ әзірге асығы алшысынан түсер емес. Бұл жо­лы да дәп солай болды. Тұсаукесер кездесуінде Душан Ис­панияның аса мықты теннис­шісі Паб­ло Кар­реньо-Бус­тадан басым түс­кенімен, келесі айналымда біздің Буб­ликке есе жіберді. Есеп – 6:7, 2:6, 5:7.

Үшінші кезеңде Александр Буб­лик әлемнің 28-ракеткасы Фрэнсис Тиафомен шеберлік байқасады. Алашқы айналымдарда АҚШ-тың өкі­лі италиялық Ан­дреа Ва­вассори мен гер­­мания­лық Мак­симильян Мар­­терерді жеңді.