Президент • 07 Шілде, 2022

Президент мұнай тасымалдауда Транскаспий бағдарын дамытуды тапсырды

307 рет
көрсетілді
1 мин
оқу үшін

Мемлекет басшысы мұнай тасымалдау ісін әртараптандыруды маңызды міндет деп санайды. Бұл жайында Қасым-Жомарт Тоқаев көлік-транзит әлеуетін дамыту жөніндегі кеңесте айтты, деп хабарлайды Egemen.kz.

Президент мұнай тасымалдауда Транскаспий бағдарын дамытуды тапсырды

«Бүгінде Транскаспий бағдары басым бағыт саналады. «ҚазМұнайГазға» оны жүзеге асырудың оңтайлы нұсқасын, соның ішінде Теңіз жобасының инвесторларын тарту мүмкіндігін пысықтауды тапсырамын. Үкімет «Самұрық-Қазынамен» бірлесіп, Атырау – Кеңқияқ және Кеңқияқ – Құмкөл мұнай құбырларының қуатын арттыру жөнінде шара қабылдауы қажет», деді Президент.

Автожол инфрақұрылымын дамыту мәселесі де маңызды салалардың бірі.

Мемлекет басшысының айтуынша, ең алдымен, құрылысы басталған магистральды бағыттардағы (Ақтөбе – Қандыағаш – Мақат, Атырау – Астрахань, Алматы – Қарағанды және Талдықорған – Өскемен) қайта жаңарту жұмыстарын уақытылы әрі сапалы аяқтау қажет.