Облыстық Полиция департаменті хабарлағандай, Бесқарағай ауданында жергілікті шаруа қожалығының 64 жастағы иесі полиция қызметкерлеріне жүгінген. Ол өз сөзінде бетон бұйымдарының ұрланғанын жеткізді.
«Жәбірленушінің айтуынша, белгісіз біреулер 10-25 маусым аралығында Ерназар ауылының маңындағы қожалық аумағынан 16 бетон фундаментін, 6 тіректі және бетоннан жасалған 7 арқалықты ұрлап кеткен. Осының салдарынан келтірілген материалдық шығынның жалпы сомасы 9 300 000 теңгені құрады», делінген хабарламада.
Жедел-іздестіру шараларының нәтижесінде 49 жастағы жергілікті тұрғын ұсталды. Оған қатысты ҚР ҚК-нің 188-бабы 4-бөлігімен сотқа дейінгі тергеу амалдары жүргізілуде.
