Спорт • 17 Шілде, 2022

Қазақстан құрамасының шорт-тректен бас бапкері ауысты

365 рет
көрсетілді
1 мин
оқу үшін

Шорт-тректен Қазақстан командасының бапкерлер штабында маңызды өзгеріс болды, деп хабарлайды Egemen.kz Ұлттық Олимпиада комитетіне сілтеме жасап.

Қазақстан құрамасының шорт-тректен бас бапкері ауысты

Құраманың бас бапкері қызметіне Нұрберген Жұмағазиев тағайындалды. Ол жақында ғана зейнетке шыққан Мәдіғали Қарсыбековті алмастырды. Н.Жұмағазиев Олимпиада ойындарының қатысушысы. Сондай-ақ ол Әлем кубогінде, Азия ойындарында және өзге де турнирлерді медаль еншілеген.

Айта кетейік, биылғы желтоқсан айында Алматыда шорт-тректен әлем кубогының екі кезеңі өтеді. Атап айтқанда, 9-11 желтоқсанда және 16-18 желтоқсанда әлем кубогының III және IV кезеңдері ұйымдастырылады. Алматы шаһары әлем кубогы кезеңіне қатысушыларды 2018 жылы да қабылдаған болатын.