Облыс бойынша конго-қырым геморрагиялық қызбасымен 33 науқас тіркелді. Оның 14-інде диагноз зертханалық түрде расталды. Өкініштісі, төрт адам қайтыс болды. Денсаулық сақтау мамандары тұрғындарды табиғатта, далада, мал жүретін аулаларда барынша сақ болуға шақырады.
«Қайтыс болған науқастар - Қызылорда қаласы, Жалағаш, Шиелі аудандарының тұрғындары.
Қазіргі таңда Конго-Қырым геморрагиялық қызбасымен ауырып, 1 науқас ем алуда. Тиісті медициналық ем шаралары қолданылған 9 науқас қанағаттанарлық жағдайда үйлеріне шығарылды. Конго-Қырым геморрагиялық қызбасын болдырмау, алдын алу шаралары да көптеп жүргізілуде», деді облыстық денсаулық сақтау басқармасы басшысының орынбасары Жангелді Мырзагелдіұлы.
