Биылдан бастап жаңа ереже бойынша өткен дүниежүзілік додада әлемнің ең үздік деген 8 командасы қатысып, Ұлттар лигасына берілетін жалғыз жолдаманы сарапқа салды. Хорватиядағы жарыста Азия құрлығының атынан бақ сынған Қазақстан әйелдер құрамасы ширек финалда жарыс қожайыны Хорватиямен жолығып, үш партияда – 25-20, 25-15, 25-20 есебімен жол берді. Осылайша, біздің волейболшылар 2023 жылғы Ұлттар лигасына қатысу мүмкіндігінен айырылды.
Бұл ойында ұлттық құрама сапынан Татьяна Никитина үздік ойыншы атанды. Оның еншісінде – 14 нәтижелі әрекет бар. Ал Хорватия капитаны Саманта Фабрис матчта 19 балл жинап, отандастарының ыстық ықыласына бөленді (14 ұпай, 4 эйс, 1 блок-шот).
Айта кетейік, жарыста Қазақстан мен Хорватиядан бөлек, Бельгия, Колумбия, Пуэрто-Рико, Камерун, Франция және Чехия құрамалары бақ сынады.
