Қазақстан • 07 Тамыз, 2022

Қайырымдылықтың үлгісі

34 рет көрсетілді

Алдағы уақытта Францияда Ядролық сы­нақ­тарға қарсы халықаралық іс-қимыл күніне орай көрме ұйымдастырылмақ. Міне, осы іс-шараға қазақтың атақты суретшісі Кәріп­бек Күйіковтің қатысуы үшін ел азаматтары, қамқор жандар қаржылай көмек қолын созып отыр.

Халықаралық антиядролық қоз­ға­лыстың белсенді мүшесі К.Күйіковті ел-жұрт аузымен, аяғымен сурет салатын талантты суретші, АТОМ жобасының құрметті елшісі ретінде таниды. Оның еңбегін тек қазақ­стандықтар ғана емес, әлем халқы жоғары бағалайды. Міне, осындай азамат әлгіндей жоғары деңгейлі көрмеге қатысуға тиіс.

Биылғы қыркүйекте Францияның Ренн және Париж қалаларында Кәріпбек Күйі­ков ядро­лық қаруға қарсы тақырыптағы шығар­маларын ұсынбақ. Ол енді жолкіреге қаржы жинауға көмектескендердің арқасында ол жаққа бара алады. Бұған дейін К.Күйіков жерлестеріне үндеу тастап, есеп-шот ашқан болатын. К.Күйіковтің үндеуі бір-екі күнде әлеуметтік желіде кеңінен тарап, қайырымды жандар суретшінің Францияға баруы үшін қаражат жинай бастады. Бір аптаға жетер-жетпес уақыт ішінде олар қажетті сома – 6,5 мың еуроны (3,1 млн теңге) жинап үлгерді.

«Бұл азаматтық бастама осы көктемде туған. Әрине, жобаны мемлекеттік қаржы­ландыру туралы сөз болған жоқ. Франция тарапы көрмелерді ұйымдастырып отырғанымен, бірақ оларда менің сапарым үшін қаражат қаралмаған. Сондықтан біз осылайша қайырым­дылық акциясын бастауды жөн көр­дік», дейді суретші.

К.Күйіков сапарға шығу үшін қаражат жинауға көмектескен қазақстандықтарға ал­ғысын білдірді. «Белсенділік танытып, қол­дау көсеткен қазақстандықтардың мейірім­ділігі мені шын жүректен таңғалдырды. Жер­лестерім жоба идеясын соншалықты тез әрі жоғары деңгейде қолдайды деп күт­пеген едім. Атсалысқандардың барлығына алғысымды білдіремін. Бұл – маған жеке қолдау көрсету ғана емес, менің еңбегімді, мен үшін өмірімнің мәнінің, қаншама жыл бойы ядролық сынақтардан зардап шеккен туған жерімді қорғау жолындағы күресімнің бағалануы, сондай-ақ бұл – бәріміз сияқты бейбіт аспан астында өмір сүру мүмкіндігіне ие боламыз деп үміттенетін болашақ ұрпақты қорғаудағы қадам», дейді Кәріпбек Күйіков.

Қазақстанның Франциядағы Бас кон­сулдығы да Страсбургте қазақстандық сурет­шінің көрмесін өткізуді ұсынуда. Осылайша, Кәріпбек Күйіковтің туындылары үш қалада: Ренн, Париж және Страсбургте көрсетіледі.

Кәріпбек Күйіковтің антиядролық тақы­рыптағы картиналары Жапонияда, АҚШ-та, Швейцарияда көрмеге қойылған. Ал Францияда көрсетілмеген екен. Кәріпбек жаңа туынды жасап, Ренн қаласына тартуды жос­парлап отыр.

 

Соңғы жаңалықтар

Өңір және өркениет

Саясат • Кеше

Аға буынның қолдауы

Саясат • Кеше

Есімнен кетпес Есағаң

Руханият • Кеше

Бар үміт – Бубликте

Теннис • Кеше

Оқырманның рухани олжасы

Егемен Қазақстан • Кеше

Ұқсас жаңалықтар