Алайда Қазақстан футбол федерациясының баспасөз қызметіне сұхбат берген Магомед Адиев бұл ақпараттың шындыққа жанаспайтынын айтып, ұлттық құрамадағы қызметін жалғастыра беретінін жеткізді. «Менің Қазақстан футбол федерациясымен келісімшартым бар, әлі аяқталған жоқ. Алда бізді маңызды екі ойын күтіп тұр. Сол себепті келісім аяқталмай, ешқайда кетпеймін. Ешқандай күмән келтірудің қажеті жоқ», деді М.Адиев.
Айта кетейік, Қазақстан ұлттық құрамасы қыркүйекте Ұлттар лигасы аясында елордада Беларусь құрамасын қабылдаса, сырт алаңда Әзербайжан футболшыларымен кездеседі.
