Коронавирус • 09 Тамыз, 2022

Алматыға QazVac пен Pfizer-дің 60 мыңға жуық дозасы жеткізіледі

35 рет көрсетілді

Қыркүйек және қазан айларында Алматы қаласына QazVac, Pfizer вакциналары жеткізіледі. Бұл туралы қалалық қоғамдық денсаулық сақтау басқармасының өкілі Гүлжайнат Тілеген онлайн брифингте айтты, деп хабарлайды Egemen.kz.

Оның айтуынша, егу пукттерінде вакцина қоры жеткілікті.

«Бүгінгі таңда бізде QazVaс вакцинасының 2 мыңға жуық дозасы және Pfizer вакцинасының 2 мыңға жуық дозасы бар», деді дәрігер.

Қыркүйек пен қазан айларында Алматыға QazVac-тың 28 200 дозасы және Pfizer-дің (Comirnaty) 26 910 дозасы жеткізіледі деп күтілуде. Соңғы препарат әсіресе жасөспірімдерге, жүкті және бала емізетін әйелдерге арналған.

«Бұған дейін Pfizer вакцинасын алуға ниет білдірген тұрғындардың бәріне салдық. Қазір оны шектедік. Енді ол үш санаттағы азаматтарға ғана егіледі. Атап айтқанда, жасөспірімдерге, жүкті және бала емізетін әйелдерге, деді Гүлжайнат Тілеген.

Соңғы жаңалықтар

Жапонияда жер сілкінді

Әлем • Бүгін, 10:22

Ұқсас жаңалықтар