Жарыс қожайындарымен өткен кездесуде қазақстандық қыздар 0,5-3,5 есебімен жеңіліп қалды. Ел құрамасы сапынан Бибісара Асаубаева ғана тең нәтижеге қол жеткізсе, Жансая Әбдімәлік, Ксения Балабаева және Гүлісхан Нақбаева қарсыластарына жол берді. Осылайша, 10 турдың қорытындысы бойынша Қазақстанның қыздар құрамасы 7 жеңіс, 1 тең және 2 жеңіліспен әлемдік рейтингте 8-орынға түсіп қалды. Бұл матчтың алдында жерлестеріміз үшінші орында тұрған еді.
Ал Қазақстанның ерлер құрамасы 10-турда Хорватиямен кездесіп, 3-1 есебімен басым түсті. Жерлестерімізден Әлішер Сүлейменов пен Арыстанбек Оразаев өз ойындарын жеңіспен аяқтаса, Ринат Жұмабаев пен Қазыбек Нөгербек тең түсті.
