«Қазақстандағы ең танымал және нәтиже беріп жүрген бірден-бір спорттың түрі – бокс. Қазақ бокс мектебінің даңқы алысқа жайылғаны баршаға мәлім. Біздің бұл промоутерлік компанияны құрудағы мақсатымыз – отандық боксшыларды тек Қазақстанда емес, шетелдерде де танымал ету», деді Р.Задарновский.
Қазіргі таңда Lucky Cent промоутерлік құрамында елімізге танымал, ішкі чемпионаттарда топ жарып, жүлдегерлер қатарынан көрініп жүрген бірқатар боксшы бар. Атап айтар болсақ, талай додада топ жарған Рустам Рустамов, 49 килода ел біріншілігінің жүлдегері Жандос Несіпжан, 2020 жылы 63 килода жеңіске жеткен Ертуған Зейнуллинов, сондай-ақ Андрей Лейхнер, Мирас Ертанов және Фарух Тоқтасынов енді өз бағын кәсіпқой бокста сынап көреді. Орталықтың ресми ашылуы 25 тамызда Алматыда өтеді.
