Бішкектегі «Азия молл» сауда орталығын тексеру кезінде саперлер граната тапты.
Бұған дейін республиканың ішкі істер министрлігі жарылғыш зат туралы жасырын хабарлама алған еді. Осыған байланысты сауда орталығының қызметкерлері мен келушілері эвакуацияланған.
Нәтижесінде, граната сауда орталығының ғимаратындағы тұрақта тұрған көліктің астынан табылған. Алдын ала ақпарат бойынша, автокөлік жергілікті кәсіпкерлердің біріне тиесілі.
«Азия молл»-ға жарылғыш зат қойылғаны туралы жасырын сигнал милицияның кезекші бөліміне 11 тамызда келіп түсті. Оқиға орнына саперлер мен жедел-тергеу топтары жіберілді.
Сауда орталығының айналасындағы аумақ қоршалды.
