Қазақстан • 11 Тамыз, 2022

БҰҰ Қазақстанда Әлемдік және дәстүрлі діндер лидерлерінің Съезін өткізуді қолдады

38 рет көрсетілді

БҰҰ Бас Ассамблеясы 76-сессиясының төрағасы Абдулла Шахид Қазақстанның дінаралық және өркениетаралық диалогты қалыптастырып, оны нығайтуға қосып отырған үлесі мен осы бағыттағы жұмысының маңызын жоғары бағалады, деп хабарлайды Egemen.kz Палатаның баспасөз қызметіне сілтеме жасап.

ҚР Парламенті Сенатының спикері Мәулен Әшімбаев БҰҰ Бас Ассамблеясы 76-сессиясының төрағасы Абдулла Шахидпен кездесті.

Мәулен Әшімбаев 30 жылда Қазақстан мен Біріккен Ұлттар Ұйымы арасында тығыз қарым-қатынас орнағанын атап өтті. Сондай-ақ, ол БҰҰ-мен ынтымақтастық еліміздің сыртқы саясаттағы негізгі басымдығы екенін атап өтті.

«Мемлекет басшысы тарапынан тұрақты даму мәселелеріне айрықша мән беріліп келеді. Қазақстанның ұлттық басымдықтары БҰҰ-ның 2030 жылға дейінгі Тұрақты даму мақсаттарымен және бағдарламасымен тығыз байланысты. Ұйым белгілеген мақсаттар біздің стратегиялық құжаттармен және бағдарламалармен интеграцияланған», деді Мәулен Әшімбаев.

Сенат Спикері БҰҰ Бас Ассамблеясы 76-сессиясының төрағасына Қазақстанда ел Президенті Қасым-Жомарт Тоқаевтың бастамасымен жүргізіліп жатқан реформалар туралы айта кетті. Конституцияға өзгерістер мен толықтырулар енгізу бойынша өткізілген референдумның нәтижесі Мемлекет басшысының жаңғыру бағдарын қолдаған көрсеткіштердің бірі екені айтылды.

Өз кезегінде Абдулла Шахид Қазақстанда жүргізіліп жатқан реформалар дер кезінде қолға алынғанын және олар елдің одан әрі дамуына айтарлықтай үлес қосатынына сенім білдірді.

Сонымен қатар, сұхбаттасушылар алдағы уақытта елордада өтетін Әлемдік және дәстүрлі діндер лидерлерінің VII Съезіне тоқталды. Кездесу барысында аталған Форумның әлемдік діндер мен халықтарды жақындастыру және толеранттылық идеяларын ілгерілету ісінде маңызды рөл атқаратыны айтылды. Съезд Хатшылығының Басшысы Мәулен Әшімбаев қатысатынын растағандар қатарында БҰҰ құрылымына кіретін БҰҰ Өркениеттер Альянсы мен Парламентаралық Одақ басшылары да бар екенін жеткізді.

Айта кетсек, Съезд аясында БҰҰ Бас Хатшысы Антониу Гутерриш бейнеүндеу жасайды деп күтіледі.

«Съезд қорытындысы бойынша Декларация қабылданады. Құжатта әлемдік және дәстүрлі діндер лидерлерін ұзақ мерзімді тұрақтылық пен бейбітшілікке қол жеткізу процесіне белсенді жұмылдыруға қатысты бірқатар маңызды ережелер қамтылады», деді Мәулен Әшімбаев.

Өз сөзінде Абдулла Шахид Қазақстанның дінаралық және өркениетаралық диалогты қалыптастырып, оны нығайтуға қосып отырған үлесі мен осы бағыттағы жұмысының маңызын жоғары бағалады. Ол БҰҰ тарапынан Съезге қолдау көрсетілгенін атап өтіп, қазіргі таңда дін лидерлерінің рөлі әлемді одан әрі дамыту және жаһандық диалог мәдениетін нығайту үшін өте маңызды екеніне назар аударды.

Соңғы жаңалықтар

Семей қаласының әкімі тағайындалды

Тағайындау • Бүгін, 10:42

Месси жеңіске жетелей алмады

Футбол • Бүгін, 07:35

Ширек финалға өтті

Теннис • Бүгін, 07:33

Төртінші орынға тұрақтады

Теннис • Бүгін, 07:32

Жүлденің ауылы алыс емес

Спорт • Бүгін, 07:28

Барымтаға – «қарымта»

Қоғам • Бүгін, 07:25

Асық атудан әлем чемпионы

Ұлттық спорт • Бүгін, 07:24

Жаңа реформаға сенім зор

Пікір • Бүгін, 07:16

Үміт сөзі

Пікір • Бүгін, 07:12

Бұл – болашақтың таңдауы

Пікір • Бүгін, 07:08

Ашықтықты арттыратын игі істер

Қазақстан • Бүгін, 07:05

Құқық үстемдігі – келісім кепілі

Қазақстан • Бүгін, 07:03

Ертеңіміз үшін ұтымды шешім

Саясат • Бүгін, 07:00

Кәсіп көзі – нәсіп көзі

Экономика • Кеше

Ұқсас жаңалықтар