Қоғам • 12 Тамыз, 2022

Полицейлер елордадағы айналма жолдан атыс қаруларын тапты

223 рет
көрсетілді
1 мин
оқу үшін

11 тамыз күні сағат 17:10-да елордалық Криминалдық полиция басқармасының, ҰҚКД және МКҚ қызметкерлері «Алматы – Екатеринбург» тас жолы бойындағы орман екпелерінде, айналма жолдан 900 метр қашықтықта, шөптердің арасынан қару жасырылған орынды тапты, деп хабарлайды Egemen.kz.

Полицейлер елордадағы айналма жолдан атыс қаруларын тапты

Табылған құпия орынды тексеру кезінде қолдан атуға арнап жасалған, оқсыз атылатын Калашников автоматы және қолдан атуға арнап жасалған, 9 мм калибрлі 7 патроны бар «МР-371» сигналды тапаншасы табылды. Екі қару да атуға жарамды.

Аталған факті бойынша сотқа дейінгі тергеу амалдары басталды. Қажетті сараптамалар тағайындалды.