Аймақтар • 19 Тамыз, 2022

Қайта кесілген тұсау

483 рет көрсетілді

Жылыой ауданында тұратын Альмира есімді 9 жасар қыз мектептен келе жатып бұралқы иттен қашқан. Сол кезде жол жиегіне құлап, бір тізесін бордюрге соғып алған. Оқиға биылғы 31 қаңтарда болған.

Облыстық балалар ауруха­насының травматолог-дәрігері Жақсылық Мағзомовтың айтуынша, содан бері бірнеше рет емделу курсынан өткен. Ал­дымен Жылыой аудандық орта­лық ауруханасына қаралған. Кейін 2 ақпанда облыстық балалар ауруханасында оның жамбас сүйе­гі­не екі ота жасалды. Ал 8 шілде­де жамбас сүйегінен импланттал­­ған фиксаторларды алып тас­тау отасы сәтті өтті.

Бұдан соң амбулаторлық бақы­лауға алынып, оңалту орта­лығында емделді. Бір ай бұ­рын облыстық балалар ауруха­насының базасында орналасқан «Қам­қорлық» оңалту орталығына жат­қызылды. Аталған орталықта оңалтудан сәтті өткен Альмира қайтадан қалыпты жүруге мүм­кіндік алды. Осыған орай оңалту орталығында облыстық балалар ауруханасының жас маманы, травматолог-дәрігер Жақсы­лық Мағзомов 9 жасар қыздың тұсауын қайтадан кесті.

Қазір Альмира отбасына оралды.

 

Атырау облысы

Соңғы жаңалықтар

Жапонияда жер сілкінді

Әлем • Бүгін, 10:22

Ұқсас жаңалықтар