WBA Super, IBF және IBO тұжырымдары бойынша орта салмақтағы әлем чемпионы, отандасымыз Головкин кездесуге тура бір ай қалғанын еске салды.
Боксшы инстаграм парақшасында алғашқы екі жекпе-жектің үздік сәттерінен видеошолу жариялап, «Жекпе-жекке тура бір ай қалды» деп жазды.
Айта кетейік, Головкин — Альварес арасындағы үшінші кездесу 17 қыркүйекте Лас-Вегаста (Қазақстанда 18 қыркүйек күні таңертең) өтеді. Алғашқы екі жекпе-жек те Лас-Вегаста өткен. 2017 жылы қыркүйекте тең нәтиже тіркелді. Ал тура бір жылдан кейін өткен екінші кездесуде Альварес төрешілер шешімімен жеңіске жетті.
