Білім • 19 Тамыз, 2022

«Болашақ» тағылымдамасына құжат қабылдау қашан басталады

59 рет көрсетілді

5 қыркүйектен бастап Қазақстанда «Болашақ» бағдарламасы бойынша шетелдік тағылымдамадан өтуге құжаттар қабылдау басталады, деп хабарлайды Egemen.kz Халықаралық бағдарламалар орталығының баспасөз қызметіне сілтеме жасап.

Өтініштер 2022 жылдың 14 қазанына дейін eGov.kz порталы арқылы қабылданады. 2022 жылы тағылымдама бағдарламасы бойынша 110 шәкіртақы бөлінген.

2022 жылы тағылымдамадан өтуге жұмыскерлердің мынадай санаттары бекітілген: инженерлік-техникалық қызметкерлер, медицина қызметкерлері, мәдениет, туризм және спорт саласының қызметкерлері, БАҚ қызметкерлері, агроөнеркәсіптік кешен қызметкерлері, мемлекеттік қызметшілер, орта, техникалық және кәсіптік білім беру ұйымдары педагогтері.

«Болашақ» бағдарламасы бойынша тағылымдамадан өтуге арналған басым мамандықтар тізімінде 158 мамандық бар.

Өтініштерді қабылдау және «ғалымдар» санаты бойынша тағылымдамадан өтуге конкурстық іріктеу бөлек жүргізіледі. Уақыты кейінірек хабарланады.

 

Соңғы жаңалықтар

Ұқсас жаңалықтар