9 мыңнан астам адам қандас мәртебесін алды

Қандас мәртебесін алуға немесе ұзартуға, сондай-ақ қандастар мен қоныс аударушыларды қабылдаудың өңірлік квотасына енгізуге өтінішті этностық қазақтар жергілікті атқа­ру­шы органдарға, «Азаматтарға ар­нал­­ған үкімет» мемлекеттік корпора­ция­сы» КеАҚ-ға және Қазақстан Рес­пуб­ликасының шетелдердегі ме­ке­мелеріне бере алады.

Қандастар мен қоныс аударушыларды қабылдаудың өңірлік квотасы ел Үкіметі қандастарды қоныстандыру үшін айқындаған өңірлерге – Ақмола, Атырау, Шығыс Қазақстан, Батыс Қазақстан, Қостанай, Павлодар және Солтүстік Қазақстан облыстарына бөлінеді.

Бұл ретте өңірлік квотаға енгізіл­ген қандастарға көшуге (отба­сы­ның әрбір мүшесіне 70 АЕК-тен біржолғы төлем) және 12 ай ішін­де жалдау шығындарын жабуға және коммуналдық қызметтерді төлеу­ге (отбасына 15-тен 30 АЕК-ке дейін­гі мөлшерде) субсидия түрінде мемле­кет­тік қолдау шаралары қолжетімді.

Сонымен қатар қандас мәртебесін алған этностық қазаққа келесі қыз­мет­тер қолжетімді:

– Қазақстан Республикасы аума­ғы­на кіру кезінде көлік құралдарын қоса алғанда, жеке пайдалануға арнал­ған мүлікке кедендік төлемдерді тө­леу­ден босату;

– қандастарды бейімдеу және ық­палдастыру орталықтарында тегін бейімдеу және ықпалдастыру қыз­мет­те­рін қамтамасыз ету;

– техникалық және кәсіптік, орта білімнен кейінгі және жоғары білім беретін оқу ұйымдарына оқуға тү­су­ге квота шеңберінде білім алу (Қа­зақ­стан Республикасының азаматтары болып табылмайтын ұлты қазақ адамдар үшін квота 4% мөлшерінде белгіленген);

– Қазақстан азаматтарымен тең жағдайда жұмыспен қамтуға жәрдем­де­су шараларымен қамтамасыз ету;

– мемлекеттік тұрғын үй қорынан тұр­ғын үй алуға өтініш беру мүм­кін­дігі.

Бұдан басқа елде тұрақты тұратын қан­дастар жеңілдетілген тәртіппен (тіркеу тәртібімен) Қазақстан Респуб­ли­касының азаматтығын ала алады.

Естеріңізге сала кетейік, 2022 жыл­­ғы 1 та­мыздағы жағдай бойынша
9 077 этнос­тық қазақ тарихи Отанына оралып, қандас мәртебесін алды. 1991 жылдан бастап республикаға бар­лығы 1 млн 96,9 мың этностық қазақ оралды.

Осы жылдың басынан бастап Қа­зақстанға келген қандастардың жар­ты­сынан астамы (69,9%) Өзбекс­таннан, 10,3% – ҚХР-дан, 7,1% – Түр­ік­менстаннан, 4,0% – Моң­ғо­лия­дан және 8,7% басқа елдерден келген.