Балқаш қалалық полиция бөлімінің қызметкерлері «Құқықтық тәртіп» жедел-профилактикалық іс-шарасын өткізді. Оның мақсаты қоғамдық қауіпсіздікті сақтау, құқық бұзушылықтар мен қылмыстарды анықтау және жолын кесу.
Құқық қорғау қызметкерлері Балқаш көлінің жағасына қайығын арқандап тұрған адамға назар аударды.
55 жастағы қала тұрғыны үшін тәртіп сақшыларының бұл жерге келуі мүлде күтпеген жағдай болды. Полицейлер қайықты тексеру барысында 57 келі әртүрлі сортты жаңа піскен балық пен 400 метр ау тапты. Келтірілген шығын көлемі 340 мың теңгені құрады.
Аталған факті бойынша ҚР Қылмыстық кодексінің 335-бабы «Балық ресурстарын, басқа да су жануарларын немесе өсімдіктерін заңсыз өндіру» бойынша қылмыстық іс қозғалды. Қазіргі таңда тергеу амалдары жүргізілуде.
