Әлем • 08 Қыркүйек, 2022

Ұлыбритания патшайымы II Елизавета өмірден озды

994 рет
көрсетілді
1 мин
оқу үшін

Ұлыбритания патшайымы IIЕлизавета Шотландиядағы Балморал қамалында қайтыс болды. Патшайым 96 жаста еді, деп хабарлайды Egemen.kz

Ұлыбритания патшайымы II Елизавета өмірден озды

Суыт хабарды Букингем сарайы растады.

«Патша мен патшайым консорты бүгін кешке Балморалда қалып, ертең Лондонға оралады», делінген ресми хабарламада.

II Елизавета Шотландиядағы Балморал қамалында болған.

Бұған дейін дәрігерлер Британдық патшайымның денсаулығына алаңдаушылық білдірген еді. Оған дәрігерлердің бақылауында болуға кеңес берілді.

II Елизавета 1926 жылы Йорк герцогы мен герцогинясының отбасында дүниеге келген. 

Патшайым елді 1952 жылдың ақпанынан бастап 70 жыл бойы басқарған. Оның билігі кезінде елде 15 премьер-министр ауысты.