Eurasian Foods Corporation зауыты – Қазақстан мен Орталық Азия елдеріндегі тамақ өнеркәсібінің ірі және маңызды кәсіпорындарының бірі. Өндіріс көлемі жылына 150 мың тоннадан астам өсімдік майын құрайды.
Серік Жұманғарин 3 мыңнан адамды жұмыспен қамтамасыз етіп отырған зауытқа арнайы келіп, әлеуметтік маңызы бар азық-түлік тізіміне енетін өсімдік майы және т.б. өнімдерін шығару процесімен танысты.
Сонымен қатар вице-премьер жұмыс сапары аясында қаланың кәсіпкерлерімен, тұрғындарымен кездесу өткізді. Экспортқа ден қойғандар арасында мемлекеттен тиісті көмек ала алмай жүргендер де болды. Бұл мәселені шешу мақсатында С.Жұманғарин Сауда министрлігіне қарасты QazTrade сауда саясатын дамыту орталығына тиісті тапсырмалар берді.
«Экспорттаушыларды қолдаудың бірнеше тетігі бар. Соның бірі – QazTrade сауда саясатын дамыту орталығы арқылы қолдау. Экспорттаушылардың шығындарын өтеуге қатысты сіздерде алдағы уақытта проблема болмас үшін түсіндірме жұмыстарын күшейтеміз», деді С.Жұманғарин.
Вице-министр кездесуден бөлек азаматтарды жеке қабылдады. Көтерілген мәселелер арасында базарды жаңғырту, зардап шеккен бизнеске көмек көрсету және тағы басқа сұрақтар болды.
