«Ең ірі штаттан тыс биржалар апта сайын жаңартылады. Ай сайын ақпарат, жылжыту алгоритмдері, есептеулер, комиссиялар және т.б. өзгереді. Курс барысында біз Upwork-та 100% job success score рейтингі бар top-rated мамандарынан соңғы ақпаратты жинадық. Біз тек жеке тәжірибемізбен бөлісіп қана қоймай, тапсырыс беруші тарапынан көзқарасымызды көрсетеміз және ондаған бәсекелес фрилансерлер арасында тізімнің жоғары көтерілуіне кепілдік беру үшін оқушылардың бейінін ілгерілету алгоритмдерін баптауға көмектесеміз», деп атап өтті білім беру бағдарламалары кеңсесінің директоры Азиз Тілеумұратов.
Курс платформада сату профилін құрудан бастап тапсырыстың жабылуына дейінгі ең өзекті мәселелерді қозғайды және монетизация тәсілдеріне баса назар аударады. Freelance School бағдарламасы жаңадан бастаушыларға да тәжірибелі фрилансерлерге де пайдалы болады: әркім өздері үшін қажетті тәжірибе тауып, болашақта жоғары ақы төленетін тапсырыстар алу үшін өз құзыреттіліктерін жақсарта алады.
Оқу қорытындысы бойынша оқушылар толығымен дайын сату профилін жасай алады, фрилансерді таңдау кезінде тапсырыс берушінің басымдықтарын түсінуді, комиссиялар, алымдар, салықтар туралы бәрін білуді, даулы жағдайларды шешуді үйренеді.
Онлайн оқыту 4 аптаға созылады және бейне дәрістерден, практикалық вебинарлардан, тренингтен тұрады. Қорытындысы бойынша курстың әрбір түлегіне оқудан өткені туралы сертификат беріледі.
Freelance School бағдарламасына қатысуға өтінімдер 17 қыркүйекке дейін қабылданады.
