Әлеуметтік кодекс жобасында халықтың жекелеген осал санаттарына жұмыспен қамтуға жәрдемдесу саясатынан барлық еңбекке қабілетті азаматтардың нәтижелі жұмыспен қамтылуы үшін тең бастапқы жағдайлар жасауға көшу көзделеді.
- Платформалық жұмыспен қамтуды қоса алғанда, құқықтық өрісте жұмыспен қамтудың икемді нысандарын бекіту. Жұмыс берушілер тарапынан теріс пайдалануға жол бермеу мақсатында еңбекті ұйымдастырудың міндетті шарттары бекітілетін және жұмыспен қамтудың икемді нысандары үшін нысаналы топтар айқындалады.
- Жұмыс сипатына қарамастан, жұмыскерлердің еңбек құқықтарын толық қорғауды қамтамасыз ету, атап айтқанда, платформалық жұмыспен қамту, бірлескен жұмыс (бір жұмыс орнында жұмыс істейтін екі адам), жылжымалы кесте, төрт күндік жұмыс аптасы және басқалар.
- Онлайн-платформалармен стандартты жария түрдегі шарт арқылы интернет-платформалар негізінде жұмыс істейтін адамдарды танудың және әлеуметтік аударымдардың (Бірыңғай жинақтаушы зейнетақы қорына, мемлекеттік әлеуметтік сақтандыру қорына және әлеуметтік медициналық сақтандыру қорына) болуын анықтаудың қарапайым рәсімін енгізу.
- Табысқа салынатын төмендетілген салықтық жүктемені көздейтін біріккен төлемді енгізу есебінен салықтарды, зейнетақы және әлеуметтік аударымдарды төлеу тетігін барынша оңайлату ұсынылады. Бұл ретте бірыңғай жиынтық төлемді алып тастау да жоспарлануда.
- Жұмыстан айырылу (жоғалған кірістің 40-тан 45%-ға дейін), жүктілік және босану кезінде кірістен айырылу (100%) тәуекелдері туындаған жағдайда қызметкерлерді әлеуметтік сақтандыру жүйесінен төленетін жоғары төлемдермен қамту көзделеді, сондай-ақ бала күтімі бойынша әлеуметтік төлемдердің ұзақтығы 1 жастан 1,5 жасқа дейін ұлғаяды.
«Аталған шаралар еңбек қатынастарын жеңілдетілген ресімдеу мен жаңа ынталандырулар есебінен енгізудің бірінші кезеңінің өзінде-ақ қызметін ресмилендіруге және кемінде 300 мың бейресми жұмыспен қамтылған адамды әлеуметтік қорғауды қамтамасыз етуге мүмкіндік береді», делінген ведомство хабарламасында.
