Вирус алғаш рет 2019 жылы желтоқсанда Қытайдың Хубэй провинциясының Ухань қаласында анықталған. Америка Құрама Штаттарына 2020 жылдың басында жетті. Пандемияға байланысты бірнеше штатта сол жылдың көктемінен бастап бірқатар кәсіпорын мен мектептер карантинге жабылды. Коронавирусқа қарсы вакциналар әртүрлі елдерде 2020 жылдың желтоқсан айынан бастап қолжетімді.
Бағдарлама барысында Байденге «Пандемия аяқталды ма?» деген сауал қойылды.
«Пандемия аяқталды. Бірақ әлі де коронавирус мәселесі бар. Біз әлі де көп жұмыс істеп жатырмыз. Байқасаңыз, бетперде киген ешкім жоқ. Сондықтан бәрі жақсы деп ойлаймын. Бұл тамаша үлгі», деп жауап берді АҚШ президенті.
