Жапония елшісімен кездесті

Мәжіліс Төрағасы Қабиболла Жақыпов пен Жапония елшісі Масаеси Камохара екі елдің қарым-қатынасы туралы мәселелерді талқыға салды, деп хабарлады осы палатаның баспасөз қызметі. Тараптар Қазақстан Пре­зидентінің Жапония Премьер-министрімен кездесулері қазақстандық-жапондық өзара іс-қимылды одан әрі нығайтуға жол ашатынын айта келіп, қос мемлекет ынтымақтастығының стратегиялық сипатына назар аударды. Сондай-ақ, кездесу ие­лері ядролық қарусыздандыру және таратпау тақырыбына да айрықша көңіл бөлді. Мәжіліс Төрағасы Қазақстан Пре­зиденті Нұрсұлтан Назар­баевтың барлық халық­ара­лық бастамаларының маңыз­ды­лығына тоқталды. Қ.Жақы­пов­тың атап өткеніндей, Орталық Азияда ядролық қарудан азат аймақ туралы келісімге, ағым­дағы жылы 6 мамырда БҰҰ штаб-пәтерінде қол қойылған хат­тама – халықаралық және ай­мақтық қауіпсіздікті нығайту жолындағы маңызды қадам. Өз кезегінде Масаеси Ка­мохара Қазақстан аймақтағы жол­басшы мемлекет болып отыр­ғанын атап өтті. Соны­мен бірге, жапон дипломаты Жапонияның біздің елімізбен әртүрлі саладағы ынтымақтастыққа, әсіресе, ядролық қарусыздану сала­сын­д­ағы ынтымақтастыққа мүд­делі екендігін білдірді. Екі ел бас­шыларының Гаагадағы кезде­су­лері осының дәлелі болатынын көрсетті. Сауда-экономикалық ық­пал­­дастықты кеңейту туралы сөз болғанда, Мәжіліс Төрағасы Қа­­зақстанның жапондық же­тек­­ші трансұлттық компания­ла­рынан ин­вес­тиция тартуға және Қа­зақ­станда сервистік жинақтау өн­­ді­­рісін құруға ниетті екенін тіл­ге тиек етті. Қабиболла Жақы­пов: – Жапондық өндіріс орын­дарының инновациялық сипатын ескере отырып, біз жапондық биз­нес өкілдерін Қазақстанда индус­триялық бағдарламаларды жүзеге асыруға, сондай-ақ, ЭКСПО-2017 көрмесіне қаты­су­ға шақырамыз, – деді. Кездесу иелері пар­ла­мент­аралық қатынасты тереңдетудің өзектілігін ескере келіп, осы жол­да бейінді комитеттермен ын­тымақтастық жөніндегі топ­тар арасындағы өзара іс-қи­мыл­ды кеңейту керектігін жеткізді.