Өз елімізде ұйымдастырылып жатқан Women Grand Prix 2022 турниріне Қазақстан құрамасы сапынан былтырғы жылдам шахматтан (блиц) әлем чемпионатының жеңімпазы Бибісара Асаубаева мен талай бәсекеде топ жарған халықаралық дәрежедегі гроссмейстер Жансая Әбдімәлік қатысып, ел намысын қорғауда.
Турнирдің жалпы жүлде қоры 200 миллион теңгені құрайды. Бірінші орынға ие болған шахматшыға 15 мың еуро мен 160 ұпай беріледі. Ал екінші орын алған спортшы 12 мың еуро мен 130 рейтингтік ұпайға қол жеткізсе, үшінші орынға ие болған спортшы 10 мың еуро мен 110 ұпайға иелік етеді.
